ആയിരം നാവുള്ള ബെര്‍ളി!

(ചിത്രത്തില്‍ ക്ലിക്കിയാല്‍ വലുതായി കാണാം)

---------------------------

---------------------------

മലയാള ബ്ലോഗ്ഗിംഗ് രംഗത്ത് വളരെ പ്രസിദ്ധനായ (പക്ഷേ ഇയാളോളം വരില്ല..!!)

ശ്രീ.ബെര്‍ളി തോമസ് തന്റെ ബെര്‍ളിത്തരങ്ങളില്‍ ആയിരം പോസ്റ്റുകള്‍ തികച്ച് തന്റെ ജൈത്ര യാത്ര തുടരുകയാണു.ബെര്‍ളിയുടെ രചനാവൈഭവത്തിനും നര്‍മ്മ പാടവത്തിനും വിഷയവൈവിധ്യത്തിനും ആയിരം ആശംസകള്‍ അര്‍പ്പിക്കുന്നതോടൊപ്പം ബെര്‍ളിയുടെ രചനകള്‍ മലയാള ബ്ലോഗ്ഗ് സാഹിത്യത്തെ ഒട്ടൊന്നുമല്ല സജീവമാക്കിയത് എന്ന് ഞാനിവിടെ ഓര്‍മ്മിപ്പിക്കുമ്പോള്‍ "അജ്ഞാതര്‍" വന്ന് എന്നെ തെറിവിളിക്കരുത്.

സാഹിത്യ ഭാഷയുടെ ചട്ടക്കൂടുകള്‍ പൊട്ടിച്ചെറിഞ്ഞ് ഏതു വിഷയത്തേയും ഒന്നു ബ്ലോഗ്ഗി വിടുന്ന ബെര്‍ളി നവ ബ്ലോഗ്ഗര്‍മാരില്‍ വലിയ തോതില്‍ സ്വാധീനം ചെലുത്തിയിട്ടുണ്ട്.

ബ്ലോഗ്ഗ് തുറന്ന് വെച്ച് എന്തെഴുതും ഏതു വിഷയം ഏതു രീതിയിലെഴുതിയാല്‍ വായനക്കാരന്‍ സ്വീകരിക്കും എന്നൊക്കെ ചിന്തിച്ച് തലപുണ്ണാക്കി അന്തം വിട്ടിരിക്കുന്ന പുതു ബ്ലോഗ്ഗേഴ്സിന് എഴുതാനറിയുമെങ്കില്‍ എന്തും എങ്ങനേയും എഴുതി പോസ്റ്റാം എന്ന ധൈര്യം നല്‍കാന്‍ ബെര്‍ളിയുടെ പോസ്റ്റുകള്‍ക്ക് കഴിഞ്ഞിട്ടുണ്ട്.

പക്ഷപാതം,കരണം മറിച്ചില്‍,ക്ഷിപ്രകോപം,പടിയടച്ച് പിണ്ഡം വെക്കല്‍,താഴിട്ട് പൂട്ടല്‍,

അശ്ലീലതയുടെ ലീലാവിലാസം,പറഞ്ഞത് വിഴുങ്ങല്‍ അഥവാ പോസ്റ്റ് ഡെലിറ്റല്‍ തുടങ്ങി ഒട്ടേറെ

പരാതികള്‍ ബെര്‍ളിയെക്കുറിച്ച് നിലനില്‍ക്കുമ്പോള്‍ തന്നെ മലയാള ബ്ലോഗ്ഗ് ചരിത്രം വായിക്കുന്ന ഒരാള്‍ക്കും ബ്ലോഗ്ഗിംഗ് രംഗത്തേക്ക് ആയിരക്കണക്കിനു വായനക്കാരെ ആകര്‍ഷിക്കാനും ഒരു പാട് പേര്‍ക്ക് പ്രചോദനമേകാനും മലയാള സാഹിത്യശാഖയില്‍ ഒരു പുതിയ മേഖല വെട്ടിപ്പിടിക്കുകയും ചെയ്ത ഈ പാലാക്കാരന്റെ കഴിവിനെ അഭിനന്ദിക്കാതിരിക്കാന്‍ കഴിയില്ല.